Nothalfer

D Nothalfer sìn in der kàtholisch Religion 14 Heiligi, wo bi gwìssa Krànketa de Litt bsonderscht güet känna halfa. Leider steht uf der Lischta nix vom Coronavirüs. Àwer Seucha wia d Pescht sìn erwähnt.

Der Heilig Christophe, bekànnt fer d Reisendi gega Unfall z’schìtza, ìsch aui züestandig fer d Pescht. Züefälligerwis ìsch’s aui der Vornamma vo mim Dokter un Frìnd, wo àn värderschter Front sin Lawa ufs Spìel setzt, wia àlli Krànkepflager un Krànkeschweschtra, d Nothalfer vo hìtta.

Un do gìtt’s noch viel àndri: der SAMU un d Pompié, d Notarzt un s Hilfspersonàl ìn de Spìtäler. Àwer aui d Büra, wo uns mìt Lawensmìttel versorga un d Lìferànta, wo se ìm Lànd verteila, d Bäcker un àndri kleini Gschaftslitt, oder d Poscht, wo aui soziàli Funktiona ìwernumma hät.

Ìwer einmol sahn unsri „Elita“, àss nìt sìe, àwer àndri fers Lànd lawenswìchtig sìn. Richtum ze prodüziara ìsch fer d Wìrtschàft wìchtig. Wenn àwer a einziger Virüs ìn a pààr Wocha d gànz Walt in a grüsigi Rezension stìrzt, süecht der hìlflos Neoliberàlismus Hìlf bim Stààt, won ar vorhar àm liabschta üsbelzt hatt.

Der globàlisiart Kapitalismus wàckelt, wil d Litt jetz isahn, àss es bsonderscht ìn Krisazitta ohna stààtligi Regüliarung nìt geht. Un d Galdmàcher ìn Frànkrich stella plätzlig fescht, àss d Schlachtverdianendi viel wìchtiger sìn àss sìe.

Dianschtleischtung, Gsundheitswasa, Nàhrungsproduktion un Üssbìldung sìn die viar Süla vo unsera Gsellschàfta!

Wortkaschtla

d Nothalfer, les Saints auxiliateurs
Heiligi, Saints
Seucha, épidémies
Reisendi, voyageurs
Unfall, accidents
züestandig, compétent
àn värderschter Front, à l’avant du front
s Lawa ufs Spìel setza, risquer sa vie
Krankepflager, infirmiers
Krànkeschweschtra, infirmières
Notarzt, médecins urgentistes
Hilfspersonàl, aides-soignants
Büra, paysans
Lawensmìttel, produits alimentaires
Lìferànta, livreurs
Bäcker, boulangers
kleini Gschaftslitt, petits commerçants
lawenswìchtig, vital
Richtum, richesse
Wìrtschàft, économie
grüsig, terrible
hìlflos, impuissant
üsbelza, dépouiller
wàckla, vaciller
Galdmàcher, ceux qui font de l’argent uniquement dans un but lucratif
Schlachtverdianendi, ceux qui gagnent peu
Dianschtleischtung, services
Gsundheitswasa, services de santé
Nàhrungsproduktion, production de la nourriture
Üssbìldung, formation, éducation
Süla, piliers

Edgar Zeidler