Texte du 2021-02-13 - Schnee vo geschter

 

13-02-2021

Schnee vo geschter

« Àber wo ìsch dr Schnee vo geschter ? », hàt dr Renaissance-Dìchter François Villon ìn sim waltbekànnta Lied gsunga. Mìt dam Refrain hàt ar d verlorena Scheenheit vonra gliebta Fràui gmeint. Dr Schnee bezaichnet d Vergàngligkeit, denn ar schmìlzt schnall un drno blibt nix ebrig. So obs nie gsì war. Het ìsch morn geschter. So geht’s. Het meint ma mìt « Schnee vo geschter » Sàcha wo a Mol wìchtig gsì sìn, wo ma jetz àber nemmi brüecht. Veràlterta Technologie zum Bispìel. « Schnee vo geschter » heisst oï ebbis wo unìnteressànt worda ìsch, vo dam ma nemmi redda wìll. Ma kà oï sàga, s’ìsch kàlta Kàffee.

Schnee un iskàlt, rìchtig Wìnterwatter, wunderscheena wissa Làndschàfta uff da Barga un uffem Lànd. Wàs mìr zum zweita Mol dàs Johr 2021 erlaba, dàs ìsch kai Schnee vo geschter, dàs ìsch Schnee wie friehjer. Kàlti Tag warda ìmmer no vorku, àb un züe, ìm Zitàlter vom Klimàndel. Zeh Gràd unter Null schient het bsunders kàlt. Vor fufzig Johr hàt’s fàscht jeda Wìnter Tàge mìt zwànzig unter Null ga. So tief gsunka ìsch dr Thermometer vor àcht Johr s’letschta Mol ìm Elsàss. Un s vorletschta Mol ìsch’s 1986 pàssiert. D Klimaexperte sàge a làngfrìstiga Tendenz vorüs : d Wìnter warda ìm Schnitt weniger kàlt un ìm Summer warda d Hìtzwalla länger. Mr wìsse Bscheid. As heisst drìngend umdanka, umschàlta, weniger Kohledioxid ìn d Luft jàga.

Igfrora un igschneit, d Nàtür ìm Wintermàntel brìngt uns zu àndri Gedànka. Zu Schockolà Gedànka. Worum nìt. Morn ìsch Valentinstàg. Ìhr derfa dàs Johr s ‘Schatzala nìt ìns Restaurant ilànde. Die sìn ìmmer noh gschlossa. Àber Schockolàharzala kà ma kàuifa ìn da Pâtisserie. Die sìn uff. Un d Blüemagschafter oï. Mìt klaina Gschankla wärmt mr àlti Lieb uff.

D Litt sìn vo dam Virüs kriegsmied. Mied vo da stàndiga Maldungen ewer d Coronakrise wo Àngst ijàge, fàscht scho a Johr làng. Mìed vom Màska tràga, mied vo da Kontàktbschrankunga. Numma Geduld. Jetz wìrd noh a zittlàng zìttert, gìmpft un geschìmpft. Drno kummt a Zitt wo da Corona Schnee vo geschter wìrd.

LEXIQUE

Schnee vo geschter : les neiges d’antan, de l’histoire ancienne, du réchauffé
Het ìsch morn geschter : aujourd’hui sera hier demain
Schockolà Gedanka : pensées chocolatières
Kriegsmied : fatigué de la guerre
Nur Geduld : seulement de la patience.

 

Adrien DENTZ