Texte du 2020-12-25 - A nèia Schìcht ìm Blätterdeick

 

25-12-2020

A nèia Schìcht ìm Blätterdeick

D’r Hollande hàt ànna 2015 s’Elsàss àls Region àbmontiart, fer d’zwei Rhi-Départements in a grossa Oschta inna zpfranga. A gross Oschta wu bis uf Reims un Sedan geht. Dàs hàt ìn da Elsasser gàr nìt gepàsst. Sa wann ìhra Region zruck, obs um d’Ökonomie, d’Trànsporta, dr Sport oder s’politischa Lawa geht. D’Làndschàft vu dr Champagne (un dr Chàmpàgner) han mr àlla garn, àwer Châlons ìsch doch witt vu unsra sprochliga Sorga !

Fer ei Mol ìsch dr elsassischa Wüat bis uf Paris gheert wora, un dr Macron hàt versprocha dàs s’Elsàss wìdder erwecka derf. Àwer kä Chance : ìn Frànkrich màcht d’Bureaukràtie nia kä Schrìtt zruck. Ìmmer vorwarts ! Mr bliwa also ìm grossa Oschta, àwer s’wìrd àb’m erschta Janner 2021 a « europäischa Gmeinschàft Elsàss » gagrìnda, wu unsra zwei Départements vereinigt un etliga Vorrachta bikummt. D’Elsasser han so a scheen rot Bratzala känna wähla fer uf d’Nümrodafala vu da Waga. Ìsch dàs nìt natt ?

D’Strossa wara oï vu da Départements àn d Nèia Gebiatsgmeinschaft ewertràgt, àwer nìt d’Pumpiers. Dr Bas-Rhin bhàltet sinna Fiirwehrleitung, un dr Haut-Rhin sin Stàb. Dàs màcht uns ewer dr beriamta Sketch vum Germain Muller danka, ewer d’Pumpiers vu Mìlhüsa ! Dr Làndgràwa wìrd nìt gfìllt, s’ìsch nur a Brucka zwìscha da Bäxer un d’Owerlander gworfa. Ewrigens bliwa dr Bas-Rhin un dr Haut-Rhin zwei Verwaltungseinheita, mìt ìhra zwei Präfakta.

Kurz gsaijt, ìsch a nèia Schìcht ìm frànzeescha Blätterdeick ufmontiart wora.

Àchtung, dia Schìcht kännt d’Zähn màcha gigsa.

Ma kennt dr Sìtz vu dr Gmeinschàft nonìt. Ànna 2013 han d’Owerlander gega d’Verschmalzung vu da zwei Départements gwählt, wìll sa nìt uf Strossburg han wälla ge hocka. Màcht jetz d’nèia CEA wia dr europäischer Parlamant zwìscha Brüssel un Strossburg ? Ei Mol a Versàmmlung ìn Colmer, a anders Mol ìn Strossburg ? Wu wara d’Funktionnaira ìnstalliart ? Dàs känna mr vorsàga : ìn Strossburg, ìn Colmer un vorschins oï ìn Mìlhüsa, denn as gìbt vermüatlig Istellunga. D’Rachnung kännt schnall stiga…

As war eifàcher un viel bìlliger gsì s’Elsàss, d’Champagne un Lothrìnga ìn dr risiga Region AChLor nìt z’verschmàlza. Fer unsra Enàrqua ìsch àwer d’Frog ìmmer d’Salwa : « Wurum eifàch màcha wenn’s komplizierter un viel diirer oï geht ? »

LEXIQUE

Blätterdeick : millefeuille
Làndgràwa : le fossé symbolique entre le Haut-Rhin et le Bas-Rhin
Bäxer : surnom à connotation linguistique donné par les Haut-Rhinois ( Owerlander ) aux Bas-Rhinois. Pour les Bas-Rhinois, les Päxer (avec un P) sont les Lorrains.

 

Patrick FLUCKIGER