Texte du 2021-01-23 - S gìbt ken Win fer àlli… Uf’s Dür

 

23-01-2021

S gìbt ken Win fer àlli… Uf’s Dür

 

Màche d’Oeje zue. M’r sìn àn ere Hochzit ingelàde, ìn Kana. Un plätzli ìsch àlles durichenànder : s gìbt ken Win meh fer d’Geschte ! Zuem Glìck trìtt d’r Jesus von Nazareth vor, ùn verwàndelt Wàsser ìn Win.

Màche d’Oeje wìdder ùf. M’r sìn ìm 21. Johrhùndert, s het ìeme gràd Wàsser ìn Win verwàndelt, àwer leider kànn m’r nìt devon drìnke : s làngt nìt fer àlli Geschte. De Wondermàcher von Pfizer BioNTech ìsch nìt so begàbt àls de Chrischtüs : er het vergasse, dàss d’Lit hitzedoes ùngedùldig sìn ; sie wälle àlles, ùn schnall wann’s belìebt.

Sit fàscht e Johr ìm Elsàss pràwiere m’r ùns vom Corona ze schìtze. M’r màche àlles fer dàss unseri Eltere die Krankett nìt schnàppe. M’r droeje Maske, wasche gànzfort d’Hand, tröie nìeme meh zuem Asse inlàde. Ùn plätzli het m’r ken Lùscht ùn ken Zit meh, m’r müess ùnbedìngt sofort gìmpft sìn, fer ùnser normàles Lawe wìdder fìehre ze känne. Ùn wann de Nochber, oder’s Nochberlànd sini Ìmpfdose nìt het, wàs geht dann dìes ùns àn, so làng mìr ùnseri Vaccin krejje ? Ìm Septamber het’s noch gheisse, s gìbt wohrschins ken Ìmpfmìttel gejje de Coronavirus vor e Johr, villicht zwei.

Hit sìn àlli Wìsseschàftler inverstànde : s ìsch e Wonder, dàss m’r schon so viel verschiedeni Ìmpfstoffe ìnnere so kùrzi Zitt gfùnde hàn. Àwer die Hoffnùng làngt ùns scho nìmm : m’r sìn wie verwähnti, eifersìchtigi Kìnder. Bon d’accord, ùnseri Regierùng màcht villicht nìt àlles rìchti. M’r het de Indrùck, s wùrd alsfort improvisìert. Fer de Momant ìsch d’Loej ìn Frànkrich nìt so schlìmm àls bi de Àmerikàner, de Anglander ùn sogar de Ditsche. Ùn m’r känne ùns noch licht dràn erìnnere, wie’s schrecklich ìn März ìn ùnsere Spitäler ìm Elsàss ìsch gsìnn.

M’r kenne ùnsere Dirigante oe nìt vorwarfe, wàs d’Tìrrike ìm Erdogan worwarfe. D’Tìrrikèi het nammli de chinesisch Sinovac fer sin Vollik gekäuft, wü nùmme 50 % Wìrrikùng het. Àwer d’Dirigante ùn ìhri Fàmìli han sìch schins mìtem Pfizer BioNTech Stoff ìmpfe lon, wü dierer ìsch, àwwer e 90 % Wìrrikùng het… M’r hoffe àlli dàs dene Koronaàlpträum bàl àn e And kommt. Àwer m’r mìen oe ùfpàsse, nìt egàl wàs ze màche, gràd wajje m’r de Inndrùck hàn, noh àm Ziel ze sìn. S ìsch ken Spìel, un s gìbt ken Hochzit ìn Kana meh. Därt het’s de bescht Win fer àlli gan. Hit gìbt’s leider ken Win meh fer àlli, ùf’s Dür.

LEXIQUE

Kana : Cana
Verwàndle : transformer
Wondermàcher : faiseur de miracles
Ìmpfdose : doses de vaccin
Ìmpfmìttel : vaccin
Eifersìchtig : jaloux
Wìrrikùng : effet.

 Vum Jean DEUTSCH üs Plobse