Rezessionsvirüs

 

Rezessionsvirüs

Andlig han d europäischa Finànzminischter sich uf a Kompromis geinigt, fer ìn de àgschlàgena EU-Mìtglìdsstààta unter d Arm ze griffa! 500 Milliarda Euro ìn Form vo Kredita un Sübventiona. Dàs heert si güet à! Doch, uf die 500 Milliona Europäer hochgrachent, sìnd dàs pro Kopf 1000 €. Do brüchsch kè Expert ze sì, fer z’versteh, àss dia Summa niamols àlli retta kà. Dia Corona-Rezession wìrft jetz scho Milliona ìn d Àrweitslosigkeit. D USA mìt ìhra jetz scho meh àss 10 Milliona Stampfler sìn do dergega aui nìt gìmpft.

Dia Krisa màhnt uns àn der Börsakràch vo New York ànna 1929. A pààr Jehrla druf, ìm Janner 1933, han ìm Ditschlànd d verheerenda Folga vo dara Walt-Wìrtschàftskrisa a gwìssa Hitler àn d Màcht katapültiart, wo, kè 10 Johr druf, Europa un d Walt ìns Chaos gstìrzt hät.

Ìsch da Verglich unàgebrocht? Villicht. Àwer ’s gìtt schins europäischi Stààta, won a wìrtschàftliga Zammabruch ìn Kauif data namma, wil se meina, àss se àm And besser do stehn àss d Àndri. A gànz gfahrligs Spìel!

Wortkaschtla

d àgschlàgena EU-Mìtglìdsstààta, les États membres de l’UE en difficulté
unter d Arm griffa, soutenir
uf die 500 Milliona Europäer hochgrachent, ramené aux 500 millions d‘Européens
retta, sauver
Àrweitslosigkeit, chômage
Stampfler, personnes pointant au chômage
gìmpft, vaccinés
Börsakràch, krach boursier
a pààr Jehrla druf, à peine quelques années plus tard
d verheerenda Folga vo dara Walt-Wìrtschàftskrisa, les conséquences désastreuses de cette crise économique mondiale
Verglich, comparaison
unàgebrocht, déplacé
Zammabruch, effondrement
ìn Kauif namma, être prêt à accepter
besser do steh, être en meilleure posture
gfahrlig, dangereux